အစီအစဉ်နှင့်ပတ်သက်၍ uabဖောင်ဒေးရှင်း၏ဥက္ကဌ ဖြစ်သူ ဒေါ်ခင်မိုးညွန့် မှ ယခုကဲ့သို့ ပြောကြားခဲ့ပါသည်။ “စီးပွားရေးလုပ်ငန်းတွေဆောင်ရွက်တဲ့နေရာမှာ လူမှုပတ်၀န်းကျင်ကို အကျိုးပြုတဲ့လုပ်ငန်းတွေအတွက် ထည့်သွင်းစဥ်းစားလုပ်ဆောင်ရမှာက ကျွန်မတို့မဖြစ်မနေ ဆောင်ရွက်ရမည့် အရာတစ်ခု ဖြစ်တယ်လို့ ယုံကြည်ပါတယ်။ uab ဘဏ်အနေနဲ့ Be The Change Myanmar အစီအစဉ်ကို ၂၀၁၇ ခုနှစ်ဒီဇင်ဘာလမှာ စတင်ဖော်ဆောင်ခဲ့ပြီး မြန်မာနိုင်ငံမှာနေထိုင်ကြတဲ့ ပြည်သူလူထုအားလုံးအတွက် ပိုမိုကောင်းမွန်တဲ့ အနာဂတ်တွေကို တည်ဆောက်ပေးလိုတဲ့ရည်ရွယ်ချက်တွေနဲ့အတူ uab ဖောင်ဒေးရှင်း ကို ၂၀၂၀ခုနှစ် မှာ တည်ထောင်ခဲ့ပါတယ်။ အဲဒီလို လုပ်ဆောင်နိုင်ဖို့အတွက် လူတိုင်းရဲ့ အကူအညီကို ကျွန်မတို့ လိုအပ် ပါတယ်။ ဘာကြောင့်လဲဆိုတော့ လူတိုင်းကို ကျွန်မတို့ မကူညီနိုင်ပါဘူး။ ဒါပေမဲ့ လူတိုင်းကတော့ တစ်စုံတစ်ဦးကိုကူညီနိုင်ပါတယ်။ နောက်ဆုံးတစ်နေ့မှာတော့ ကျွန်မတို့မှာဘာတွေရှိလဲ ဒါမှမဟုတ် ကျွန်မတို့ဘာတွေပြီးမြောက် အောင်မြင်ခဲ့ပြီလဲဆိုတာတွေထက် ဘယ်သူတွေရဲ့ ဘဝတွေကို မြှင့်တင်ပေးနိုင်ခဲ့လဲနဲ့ ပိုမိုကောင်းမွန်အောင်ပြောင်းလဲ ဖော်ဆောင်ပေးနိုင်ခဲ့လဲ ဆိုတာတွေက ကျွန်မတို့ပြန်တွေးမိတိုင်း ဂုဏ်ယူနေရမဲ့အရာတွေပါပဲ။ ရှေ့ဆက်ပြီးတော့လဲ ကျွန်မတို့အနေနဲ့ အမျိုးသမီးတွေ၊ လူငယ်တွေ၊ကလေးတွေနဲ့ ရပ်ရွာပြည်သူလူထုကို အစွမ်းကုန် ကူညီအကျိုးပြုသွားမှာပဲဖြစ်ပါတယ်။ “