Website Announcement

uab bank 2025 Calendar
တန်ဖိုးထား ဂုဏ်ယူစရာ မြန်မာ့ လက်မှုအနုပညာ

“အစဉ်အလာများနဲ့. . . မြန်မာ့လက်မှု၊
ပဲ၊ ထိမ်၊ တဉ်း၊ တော့၊ ရန် နဲ့ ပု
တည်မြဲခြင်း နဲ့ ဂုဏ်ရှိန်ဦးမော့၊
ပွတ်၊ ချီ၊ ယွန်း နဲ့ ပန်းတမော့”

အနုပညာ ဆိုသည် မှာ လူမျိုးတစ်မျိုး ၊ နိုင်ငံတစ်နိုင်ငံ၏ ယဥ်ကျေးမှု အဆင့်အတန်းနှင့် အစဥ်အလာကို ထင်ဟပ်ပြသနိုင်သော ပြယုဂ် တစ်ခုဖြစ်ပါတယ် ။ မြန်မာတို့ရဲ့ ကိုယ်ပိုင်ဖန်တီးမှုဖြစ်ပြီး အစဥ်အလာကြီးမားတဲ့ လက်မှု အတတ်ပညာပန်းဆယ်မျိုးဟာလည်း မြန်မာ့ အနုပညာထဲမှာ အ‌ထင်ရှားဆုံးဖြစ်ပါတယ်။

မြန်မာ့လက်မှုအတတ်ပညာများကို ဂုဏ်ယူစွာဖော်ကျူးပြသခြင်း

ဘုရားမတင်၊ နတ်မဝင်၊ လူတွင် ဆယ်ပွင့်ပန်း လို့ စာချိုးတင်စားခဲ့ကြတဲ့ ရိုးရာလက်မှုအတတ် ပန်းဆယ်မျိုးကို " ပဲ၊ ထိမ်၊ တဉ်း၊ တော့၊ ရန်၊ ပု၊ မော့၊ မှတ်လော့ ပွတ်ချီယွန်း " ဆိုပြီး ရာဇောဝါဒကျမ်းတွင် မှတ်သားရလွယ်အောင် ဖွဲ့ဆိုခဲ့ပါတယ် ။ ထို့အပြင် မြန်မာ့ရိုးရာချည်ထိုးပညာဖြစ်တဲ့ ရက်ကန်း၊ ရွှေချည်ထိုး လက်မှုအတတ်တို့ဟာလည်း ရှေးမြန်မာဘုရင်တွေလက်ထက်ကနေစလို့ ပေါ်ပေါက်လာခဲ့တာဖြစ်ပြီး အစဥ်အမြဲ တန်ဖိုးထား လက်ဆင့်ကမ်း ဂုဏ်ယူနေရမယ့် မြန်မာ့ လက်မှုအနုပညာများဖြစ်ပါတယ်။

လူမှုအကျိုးပြုဖို့အတွက် အစဥ်တစိုက် အားထုတ်လျက်ရှိတဲ့ uab bank ဟာ ထူးချွန်လူငယ်တွေ ၊ အမျိုးသမီးတွေနဲ့ ကလေးတွေကို အဓိကထားပြီး ကူညီပံ့ပိုးပေးလျက်ရှိရာ ယခုနှစ် ၂၀၂၅ (မြန်မာသက္ကရာဇ် ၁၃၈၆-၈၇)ပြက္ခဒိန်မှာလည်း အမျိုးသားယဉ်ကျေးမှုနှင့် အနုပညာတက္ကသိုလ် (ရန်ကုန်)နဲ့အတူ ပူးပေါင်းပြီး တန်ဖိုးထားဂုဏ်ယူစရာ မြန်မာ့လက်မှုအတတ်ပညာ ၁၂ မျိုးကို ကျောင်းသားကျောင်းသူတွေရဲ့ ပန်းချီလက်ရာတွေနဲ့ ပြန်လည်ဖော်ကျူး ထင်ဟပ်ပြသထားပါတယ်။

uab bank ၂၀၂၅ ပြက္ခဒိန်ဖန်တီးခြင်း ရည်ရွယ်ချက်

uab bank သည် လူမှုအကျိုးပြုဘဏ်ဖြစ်တာနှင့်အညီ လူငယ်၊ အမျိုးသမီးနှင့် ကလေးများကို အဓိကထားပြီး အစဥ်ပံ့ပိုးပေးလျက်ရှိရာ ယခု ၂၀၂၅ ပြက္ခဒိန် ဖန်တီးရာတွင်လည်း မြန်မာ့ လက်မှုပညာ အမွေအနှစ်များကို ပြန်လည်ဂုဏ်ပြုဖော်ကျူးရင်း တက်သစ်စ လူငယ်ပန်းချီပညာရှင်များကို အနာဂတ် လမ်းကြောင်းတစ်ခုဆီသို့ရောက်အောင် တွန်းအားပေး ပံ့ပိုးပေးရန် ရည်ရွယ်လျက် ထုတ်ဝေခဲ့ခြင်း ဖြစ်ပါသည်။

မြန်မာ့လက်မှု အနုပညာ တွေကို တန်ဖိုးထားထိန်းသိမ်းဖို့နဲ့ လက်ဆင့်ကမ်းနေဖို့ဆိုတာ မြန်မာနိုင်ငံသားတိုင်းရဲ့တာဝန်ပဲ မဟုတ်လား…

ချစ်ခင်မြတ်နိုးလျက်
ဂုဏ်ယူဝံ့ကြွားလျက်
အစဥ်အမြဲ လေးစားတန်ဖိုးထားလျက်…

ဒေါ်ခင်ထက်ဝေ
(ရန်ကုန် အမျိုးသားယဥ်ကျေးမှုနှင့် အနုပညာတက္ကသိုလ် ဒုတိယ ကျောင်းအုပ်၊ ပန်းချီဌာန ကထိက)

uab bank ရဲ့ ၂၀၂၄ ပြက္ခဒိန်ကိုတော့ ကျွန်မတို့က Art is Love ဆိုတဲ့ Concept လေးနဲ့ ပူးပေါင်းလုပ်ဆောင်ဖြစ်ခဲ့ပါတယ်။ ဒီနှစ် uab ၂၀၂၅ ပြက္ခဒိန်ကိုတော့ ပန်းဆယ်မျိုးနဲ့အတူ မြန်မာ့ ရွှေချည်ထိုး၊ မြန်မာ့ရက်ကန်း အနုပညာ ပေါင်းပြီးတော့ ၁၂ လရာသီအတွက် ရေးဖွဲ့ဖြစ်ခဲ့ပါတယ်။ ဒီ ၁၂ လရာသီမှာ ပါဝင်မယ့် ပန်းချီလက်ရာတွေကို ပထမနှစ်၊ ဒုတိယနှစ်နဲ့ စတုတ္ထနှစ်ကျောင်းသား ၁၂ ဦးနဲ့အတူ ပူးပေါင်းရေးဖွဲ့ခဲ့ပါတယ်။ ကျောင်းသားတွေက သူတို့ရဲ့ရေးဖွဲ့ဟန်အသီးသီးနဲ့ ရေးဖွဲ့ထားတာဖြစ်တဲ့အတွက် uab bank ရဲ့ ၂၀၂၅ ပြက္ခဒိန်ဟာ အကောင်းဆုံးပြက္ခဒိန်လေးတစ်ခုအဖြစ် ထွက်ရှိလာလိမ့်မယ်လို့ မျှော်လင့်ပါတယ်။ ကျွန်မတို့ လူသားဘဝမှာ အနုပညာက အရေးပါတဲ့ အစိတ်အပိုင်းတစ်ခု ဖြစ်ပါတယ်။ ဒါကြောင့် ကျွန်မတို့ရဲ့ နေ့စဥ်ဘဝမှာ ပြက္ခဒိန်ကနေ တွေ့ရမယ့် ပန်းချီကားလေးတွေကနေတစ်ဆင့် ကျွန်မတို့ လူနေမှုဘဝတွေမှာ ခွန်အားတွေ ပေးစွမ်းသွားလိမ့်မယ်လို့ မျှော်လင့်ထားပါတယ်။

မြန်မာ့လက်မှုအတတ်ပညာ ပန်းဆယ်မျိုးပန်းချီကားအကြောင်အပါအဝင် ဖန်တီးရေးဆွဲသူ ကျောင်းသူကျောင်းသားများရဲ့ ကိုယ်ရေးအကျဥ်းနှင့် ဖန်တီးမှုရသများအား ပန်းချီကား တစ်ခုချင်းစီမှာ အသေးစိတ် ဖတ်ရှုလေ့လာနိုင်ပါတယ်။

January
တင့်တယ်တည်မြဲ - မြန်မာ့ပန်းပဲ
တကောင်းခေတ်ကနေစတင်ထွန်းကားခဲ့ပြီး ယနေ့အချိန်ထိ သမိုင်းအစဥ်အဆက် တည်မြဲခဲ့တဲ့ မြန်မာ့လက်မှုအတတ်ပညာ ပန်းပဲဆိုတာဟာ သံ၊ ကြေးနီစတဲ့ သတ္တုတွေကို အရည်ကျိုပုံသွင်းပြီး ပေါက်ပြား၊ တံစဉ်း၊ သံတူရွင်း အစရှိတဲ့ အသုံးအဆောင်ပစ္စည်းတွေနဲ့ မြန်မာဘုရင်များ၊ စစ်သည်တော်များအတွက် လက်နက်ပစ္စည်းတွေ ထုတ်လုပ်ရာ အတတ်ပညာတစ်ခု ဖြစ်ပါတယ်။ ရာစုနှစ်ပေါင်းများစွာ မြန်မာနိုင်ငံရဲ့ သမိုင်းကြောင်းကို ပုံဖော်ပေးနေတဲ့ ဂုဏ်ယူဝံ့ကြွားစရာ မြန်မာ့လက်မှု အတတ်ပညာတစ်ခုပဲဖြစ်ပါတယ်။
Thel Hmone Myint
Currently a second-year Painting student at the National University of Arts and Culture (NUAC) Yangon, Thel Hmone Myint showcases a remarkable fusion of creativity and professionalism in her work. Her accomplishments include participating in NUAC Student Group Art Exhibitions in 2018 and 2020. Her dedication to meaningful causes shines through in her painting for National Women’s Day. With a sharp eye for detail and unwavering commitment to her craft, she continues to produce art that resonates deeply with viewers.
February
ဝင်းလက်ထိန်သာ - ပန်းထိမ်ပညာ
ချမ်းသာကြွယ်ဝမှု၊ ချစ်ခင်မြတ်နိုးမှုနဲ့ ဘာသာရေးဆိုင်ရာ ယုံကြည်မှုတွေကို ကိုယ်စားပြုတဲ့ အနုစိတ်လက်ရာ လက်ဝတ် အဆင်တန်ဆာတွေကို ရွှေ၊ ငွေကစလို့ အခြားသတ္တုတွေကို အရည်ကျိုကာ ကျွမ်းကျင်ပညာရှင်များက အနုစိတ် ပုံသွင်း ဖန်တီးကြတာကို ပန်းထိမ်ပညာလို့ခေါ်ပါတယ်။ ဒီလို ထူးခြားခမ်းနားပြီး အနုစိတ်တဲ့ မြန်မာ့ရိုးရာ ပန်းထိမ်လက်မှုအတတ်ပညာတွေကို ယနေ့ချိန်ထိ မပျောက်ပျက်အောင် ထိန်းသိမ်းစောင့်ရှောက်နိုင်နေဆဲ ဖြစ်ပါတယ်။
Khun Thein Than Soe
Now in the final year (2023–2024) of his painting program at NUAC Yangon, Khun Thein Than Soe has developed an impressive portfolio. Notable achievements include his contributions to the 30th Anniversary NUAC Art Exhibition and recognition at the Union Day Painting Competition. Born on December 1, 2000, in Yangon, Myanmar, he combines technical mastery with a passion for artistic storytelling, making his work both evocative and deeply rooted in cultural significance.
March
ကမ္ဘာမှာထည်ဝင်း - မြန်မာ့ပန်းတဥ်း
ယနေ့အချိန်ထိ ကမ္ဘာကျော် မြန်မာ့ယဥ်ကျေးမှုအမွေအနှစ်တစ်ခုအဖြစ် သမိုင်းဝင်ထင်ကျန်နေတဲ့ မင်းကွန်းခေါင်းလောင်းကြီးဟာ ကမ္ဘာပေါ်မှာ ရှိရှိသမျှ မြည်အောင်တီးနိုင်တဲ့ ခေါင်းလောင်းတွေအားလုံးထဲမှာ အကြီးဆုံးဖြစ်ပါတယ်။ အလေးချိန် ၈၇တန်လေးပြီး အမြင့် ၁၂ ပေ ၆လက်မ ရှိတဲ့ ခေါင်းလောင်းတစ်ခုကို ကြေးထည်သွန်းလုပ်ခြင်းအတတ်ပညာနဲ့ တည်ဆောက်နိုင်ခဲ့တာ တကယ့်ကို အံ့ဩဖွယ်ရာပါ။ ဒါဟာ မြန်မာ့ပန်းတဉ်းပညာပါပဲ ။
Tay Zar Kyaw
Currently a second-year Painting student at the National University of Arts and Culture (NUAC) Yangon, Tay Zar Kyaw expresses emotions through vibrant brushstrokes. His work has been featured in the 30th Anniversary NUAC Painting Exhibition (2023), the First Arrow Group Exhibition (2024), and the Sunshine After Rain Collective (2024). With each piece, he continues to refine his craft and leave a lasting impression.
April
အနုစိတ်သေသပ် - ပန်းတော့အတတ်
မြန်မာတို့ရဲ့ ဂူ၊ ဘုရားများ အဝင်ပေါက် မုခ်တကဲ၊ တံခါးဝတွေမှာ တွေ့ရတတ်တဲ့ ပန်းခတ်ပန်းလက်နဲ့ ရုပ်လုံးရုပ်ကြွပုံသဏ္ဍာန်အမျိုးမျိုးဟာ အင်္ဂတေသရွတ်နဲ့ အနုစိတ် ဖန်တီး၊ ခြယ်သ၊ မွမ်းမံတန်ဆာ ပြုလုပ်ထားတဲ့ ပန်းတော့အတတ်ပညာပဲဖြစ်ပါတယ်။ ဗိဿနိုး၊ သရေခေတ္တရာခေတ်တွေကတည်းက ရှေးဟောင်း ပန်းတော့အနုလက်ရာဒီဇိုင်းများ ပေါ်ပေါက်ထင်ရှားခဲ့ပြီး မြန်မာတို့ရဲ့ ကြွယ်ဝတဲ့ ယဥ်ကျေးမှု အနုပညာအမွေအနှစ်အဖြစ် ထင်ဟပ်လျက်ရှိပါတယ်။
Naing Aung Nyein Chan
A fourth-year Painting student at NUAC Yangon, blends traditional Burmese culture with modern art. His work has been showcased in prestigious exhibitions, including “PWE: Reflection of Burmese Nat Spirits” (2024) and “NET PWE” at the Goethe Institute (2023). His art reflects a deep passion for cultural storytelling and creative exploration.
May
ခိုင်ခံ့ထည်ဝါ - ပန်းရန်ပညာ
ပျူခေတ်မတိုင်မီကတည်းက စတင်ပေါ်ပေါက်ခဲ့တဲ့ ပန်းရန်အတတ်ပညာဟာ အဆောက်အဦးတွေ တည်ဆောက်ရာမှာ အခြေခံအကျဆုံးဖြစ်တဲ့ အုတ်တွေကို အင်္ဂတေနဲ့ တွဲကပ်စေတဲ့ အတတ်ပညာဖြစ်ပါတယ်။ ကမ္ဘာ့အံ့ဖွယ် ပုဂံခေတ်ဘုရားပုထိုးတွေ ကအစ ဗြိတိသျှခေတ်အဆောက်အအုံတွေနဲ့ ယနေ့‌ခေတ်အအောက်အဦးထိတိုင် မြန်မာတို့ရဲ့ လက်ရာမြောက်တဲ့ ပန်းရန် လက်မှုအတတ်ပညာကို တွေ့မြင်ရမှာဖြစ်ပြီး ယနေ့ထိတိုင် မြန်မာ့ယဉ်ကျေးမှု အမွေအနှစ်တွေအဖြစ် ကိုယ်စားပြုလျက်ရှိနေပါတယ်။
Aung Chan Thar
Born on November 15, 2004, in Penwegon, Bago, Aung Chan Thar is a talented Painting student at the National University of Arts and Culture (NUAC), Yangon. Passionate about art from a young age, he showcased his work at the university’s 30th Anniversary Art Exhibition in 2023. Known for his dedication to his craft, Aung enjoys exploring new techniques and drawing inspiration from his surroundings.
June
တန်ဖိုးထားစုဆောင်း - ပန်းပုထောင်သောင်း
သစ်သား၊ ကျောက်သား၊ သတ္တုသား၊ တိရစ္ဆာန်အရိုး၊ အစွယ်၊ ရွှံ့စေး၊ ဖယောင်းစတာတွေကို ထွင်းထုပုံဖော်ကာ ပန်းကြွများ၊ ရုပ်လုံးရုပ်ကြွများ ပြုလုပ်ဖန်တီးတဲ့ အတတ်ပညာကတော့ ပန်းပုပညာပဲဖြစ်ပါတယ်။ ဒီ သမိုင်းဝင် ပန်းပုလက်ရာတွေက မြန်မာနိုင်ငံရဲ့ သဘာဝအလှတရား၊ သယံဇာတပစ္စည်းကြွယ်ဝမှုနဲ့ ယဥ်ကျေးမှုအမွေအနှစ်တွေရဲ့ ပြယုဂ်တစ်ခုလည်း ဖြစ်ပါတယ်။ ယနေ့တိုင် ကမ္ဘာတစ်ဝန်းလုံးက တန်ဖိုးထားစုဆောင်းသူတွေဟာ ရှေးဟောင်း မြန်မာ့ပန်းပု ရုပ်လုံးတွေကို လိုက်လံရှာဖွေဝယ်ယူ အမြတ်တနိုးစုဆောင်းနေဆဲဖြစ်ပါတယ်။
Shin Khant Lu
A second-year student at NUAC Yangon, is an accomplished young artist with a passion for blending tradition and innovation. Born on May 11, 2005, in Yangon, Myanmar, he has gained recognition through national awards and participation in the 30th Anniversary NUAC Art Exhibition in 2023. His artwork showcases a keen eye for creativity, offering new interpretations of Myanmar’s cultural heritage.
July
သုခုမဦးမော့ - မြန်မာ့ပန်းတမော့
သဲကျောက်နဲ့ စကျင်ကျောက်များကို အသုံးပြုပြီး အရုပ်သဏ္ဍာန်တွေ ပေါ်လွင်အောင် အသေးစိတ်ထုလုပ်ပုံဖော်တဲ့ အတတ်ပညာကတော့ ပန်းတမော့ပညာပဲ ဖြစ်ပါတယ်။ မြစေတီမှာ ရေးထိုးထားတဲ့ သမိုင်းဝင် ရာဇကုမာရ် ကျောက်စာက ပုဂံခေတ်မှာကတည်းက ပန်းတမော့ လက်မှုအတတ် ထွန်းကားခဲ့ကြောင်းကို ပြသနေသလို ယဥ်ကျေးမှုအမွေအနှစ်တွေကို အမြတ်တနိုးတန်ဖိုးထားတဲ့ လက်မှုအတတ်ပညာရှင်တွေရဲ့ အားစိုက်ထုတ်မှုကိုလည်း ထင်ဟပ်စေပါတယ်။
Phoo Pwint Theingi
With a passion for creative expression, Phoo Pwint Theingi brings her imagination to life through her artwork. Her journey includes exhibiting at the 30th Anniversary NUAC Art Exhibition (2023), competing in the English Talk Show Competition (May 2023), and participating in the National Women’s Day Art Competition (March 2024). Through her art, Phoo strives to inspire others and highlight the beauty found in everyday life.
August
ချောမွေ့ မွတ်ထွတ် - မြန်မာ့ပန်းပွတ်
ပွတ်ခုံပေါ်မှာ သစ်သားအကြမ်းထည်တွေကို ချောမွတ်တောက်ပြောင်အောင်ပြုလုပ်ရတဲ့ ပန်းပွတ်ပညာက မြန်မာနိုင်ငံရဲ့ ခက်ခဲပြီး အနုစိတ်တဲ့ လက်မှုအတတ်ပညာတွေထဲကတစ်ခုပဲဖြစ်ပါတယ်။ လွန်ခဲ့တဲ့ ရာစုနှစ်ပေါင်းများစွာကတည်းက ပန်းပွတ်ပညာရှင်တွေက ဘုရားကျောင်းနဲ့ ရှေးခေတ်နေအိမ် အဆောက်အအုံတွေမှာ တွေ့ရတတ်တဲ့ သစ်သားပွတ်လုံးတွေ၊ သစ်သားအသုံးအဆောင်ပစ္စည်း အကြမ်းထည်တွေကို အချောသတ်ပုံဖော်လာခဲ့ကြတာဖြစ်ပါတယ်။ လက်ရာတစ်ခုချင်းစီက လူ့အဖွဲ့အစည်းတစ်ခုလုံးရဲ့ ကိုယ်ပိုင်တန်ဖိုး၊ ကိုးကွယ်ယုံကြည်မှုတွေနဲ့ လူသားတွေနဲ့ သဘာဝတရားတို့ကြား သဟဇာတဖြစ်မှုကို ထင်ဟပ်စေပါတယ်။
Khaing Hsu Yie
Khaing Hsu Yie is currently in her second year at the National University of Arts and Culture (NUAC) in Yangon, majoring in Painting (2022–Present). She has garnered significant recognition in art competitions since her childhood. Her achievements include the 1st Prize in the Mitsubishi Art Competition (2017–2018) and the Martyrs’ Day Commemorative Painting competition (2019–2020). With awards in various categories like human trafficking awareness art and national commemorations, her artistic prowess has been evident across multiple platforms.
September
အဆင့်အတန်းမြင့်မား - မြန်မာ့ပန်းချီများ
ဗုဒ္ဓဝင်ဆိုင်ရာနဲ့ မြန်မာ့ရိုးရာယဥ်ကျေးမှုဆိုင်ရာ ဇာတ်ကြောင်းတွေကို ဘုရားကျောင်းနံရံတွေပေါ်မှာ ပုံပြင်ဆန်ဆန် သရုပ်ဖော်ရေးဆွဲထားတဲ့ ရုပ်ပြပန်းချီတွေက ကမ္ဘ့ာပန်းချီလောကမှာ ထင်ရှားပါတယ်။ ရှေးခေတ်ပန်းချီအတတ်ပညာရှင်တွေက အနုစိတ်ရေးဆွဲခဲ့တဲ့ လက်ရာတွေဖြစ်တာကြောင့် ပန်းချီမှာထည့်သွင်းပုံဖော်ထားတဲ့ လူတွေရဲ့ စိတ်ခံစားချက်နဲ့ ဘဝအတွေ့အကြုံတွေကိုပါ ကြည့်ရှုရသူတွေအတွက် ခံစားမြင်သာစေသလို နောင်လာမယ့် မျိုးဆက်သစ်တွေအတွက် အဖိုးတန် ပေါင်းကူးတံတားတစ်ခုလည်းဖြစ်ပါတယ်။ ရိုးရာပန်းချီကနေ တဖြည်းဖြည်းပြောင်းလဲလာတဲ့ ခေတ်ပြိုင် ပန်းချီလက်ရာတွေအထိ မြန်မာ့ရိုးရာယဥ်ကျေးမှုအမွေအနှစ်တွေကို ထုတ်ဖော်ရေးဆွဲနေဆဲဖြစ်ပါတယ်။
Phyo Pyae Pyae Linn

A third-year Painting student at the National University of Arts and Culture (NUAC), Yangon, Phyo Pyae Pyae Linn is an emerging artist with a growing portfolio of exhibitions and accolades. Born on April 26, 2001, in Yangon, her work reflects dedication and artistic maturity.

Her accomplishments include winning Third Prize at the National Women’s Day Art Competition and showcasing her talent in the NUAC 30th Anniversary Art Exhibition. She has also exhibited five paintings at the Art and Sculpture Association and participated in a group show at Waterlily Art Gallery. Additionally, she competed in the Union Day Art Competition, further solidifying her presence in the art scene.

October
လှပတင့်တယ် - ပန်းယွန်းသွယ်သွယ်

ပန်းယွန်းပညာနဲ့ အနုစိတ် ပုံဖော်ပြုလုပ်ရတဲ့ လူသုံးကုန်နဲ့ အလှဆင် ယွန်းထည်ပစ္စည်းတွေက လွန်ခဲ့တဲ့ ရာစုနှစ်ပေါင်းများစွာကတည်းက ပေါ် ပေါက်လာခဲ့တာဖြစ်သလို ယနေ့ခေတ်မှာလည်း ပုဂံယွန်းထည်လုပ်ငန်းက ထင်ရှားကျော်ကြားနေဆဲဖြစ်ပါတယ်။ ရွှေချရုပ်ကြွ၊ ပန်းကြွကလေးများဖြင့် မွမ်းမံပြုလုပ်ထားတဲ့ ယွန်းထည်ပစ္စည်းလက်ရာတွေက မြန်မာ့ရိုးရာယဥ်ကျေးမှုအမွေအနှစ်တွေကို ယနေ့ထိတိုင် ဆက်လက်ထိန်းသိမ်းနေဆဲဆိုတာ ပေါ်လွင်စေပါတယ်။

Htet Si Thu

Currently in the second year of a painting program at the National University of Arts and Culture (NUAC), Yangon, Htet Si Thu has already showcased remarkable talent. He contributed to the 30th Anniversary NUAC Art Exhibition in 2023, demonstrating a keen eye for merging traditional and modern artistic styles. Born on August 26, 2002, in Ayeyarwady Division, Myanmar, he approaches each project with a blend of passion and cultural pride.

November
ရှေ့သို့ဆက်လှမ်း - မြန်မာ့ရက်ကန်း
လွန်ခဲ့တဲ့ ရာစုနှစ်ပေါင်းများစွာက မြန်မာအိမ်တိုင်းလိုလိုမှာ ဝါ(ဂွမ်း)ပင်၊ မဲပင်၊ နီပါးဆေးပင်၊ သီတင်းပင်များကို စိုက်ပျိုးကြပြီး အိမ်ရှင်မတွေက ဝါကြိတ်ခြင်း၊ ဗိုင်းငင်ခြင်း၊ ဆေးရောင်စုံဆိုးခြင်း၊ ရက်ကန်းရက်ခြင်းစတဲ့ အိမ်တွင်းလုပ်ငန်းတွေကို မိရိုးဖလာလုပ်ငန်းအဖြစ် လုပ်ကိုင်လေ့ရှိကြပါတယ်။ မြန်မာ့ ရက်ကန်းပညာရှင်တွေက ရိုးရာလက်ရက်ကန်းလုပ်ငန်း မပျောက်ပျက်အောင် ဆက်လက်ထိန်းသိမ်းလုပ်ကိုင်လျက်ရှိပြီး အင်းသားတို့ရဲ့ လက်ရာထူးခြားကောင်းမွန်တဲ့ ကြာရက်ကန်းထည်တွေကလည်း ယနေ့ထိတိုင် နိုင်ငံခြားခရီးသွားတွေကို ဆွဲဆောင်နေဆဲဖြစ်ပါတယ်။
Lwin Hein Htet
A second-year painting student at NUAC Yangon, Lwin Hein Htet has participated in prestigious events such as the 30th Anniversary NUAC Art Exhibition in 2023. His academic journey is marked by a commitment to exploring vibrant and meaningful artistic expressions. Born on May 1, 2004, in Wakema City, Ayeyarwady Division, he is a promising artist who enjoys translating his unique perspectives into compelling visuals.
December
တန်ဖိုးရယ်တိုး - ရွှေချည်ထိုး
ရွှေချည်ထိုးလက်မှုအတတ်ပညာက အထည်အလိပ်များပေါ်တွင် ရွှေချည်၊ ငွေချည်တွေနဲ့ ခမ်းနားထည်ဝါစွာ အနုစိတ်ချည်ထိုးပုံဖော်ရတဲ့ မြန်မာ့ရိုးရာလက်မှုအတတ်ပညာတစ်ခုပဲ ဖြစ်ပါတယ်။ အလောင်းမင်းတရားခေတ်ကတည်းကပင် စတင်ပေါ်ပေါက်လာခဲ့ပြီး မင်းမျိုးမင်းနွယ်တွေအတွက် ခမ်းနားထည်ဝါလှပတဲ့ အဝတ်အထည်တွေ ဖန်တီးရာမှာ အသုံးပြုလာခဲ့တာဖြစ်လို့ ချမ်းသာကြွယ်ဝမှုကို ကိုယ်စားပြုတိုင်းတာနိုင်တဲ့ လက်မှုပညာတစ်ရပ်လည်း ဖြစ်ပါတယ်။ ကျွမ်းကျင်ရွှေချည်ထိုးပညာရှင်တွေက ရွှေချည်ထိုးလက်မှုအတတ်ပညာမှတစ်ဆင့် မြန်မာ့ရှေးဟောင်းယဉ်ကျေးမှုအမွေအနှစ်တွေကို ပုံဖော်ပြသလျက်ရှိပါတယ်။
Thiri
Thiri, a 21-year-old aspiring artist, is in her second year at the National University of Arts and Culture, Yangon, studying Painting (2023–2024). With three years of dedication to art, she began formal training under Sayar U Thein Win in 2022 and later joined NUAC. Thiri actively participates in exhibitions such as the NUAC 30th Anniversary Art Exhibition and the True Image series. As a member of Doodle Earth Studio, she contributes to organizing art events and exhibitions while pursuing her passion for drawing and painting.